ഒന്നാം വര്‍ഷ വൊക്കേഷനല്‍ ഹയര്‍ സെക്കന്ററി ഇംപ്രൂവ്മെന്റ്പരീക്ഷകള്‍ സെപ്റ്റംബര്‍ 26 മുതല്‍ ആരംഭിക്കും. വിശദമായ ടൈം ടേബിള്‍
ഓണം അവധിക്കായി വൊക്കേഷണല്‍ ഹയര്‍സെക്കണ്ടറി സ്കൂള്‍ സെപ്റ്റംബര്‍ 3 ന് അടയ്ക്കുന്നതും സെപ്റ്റംബര്‍ 12 ന് തുറക്കുന്നതുമാണ്.
മണീട്
മണീട് വൊക്കേഷനല്‍ ഹയര്‍സെക്കണ്ടറി സ്കൂള്‍
Monday 29 August 2011
Friday 26 August 2011
കേരള മുഖ്യമന്ത്രിമാരുടെ ഫോണ്ട്
കേരള മുഖ്യമന്ത്രിമാരുടെ ചിത്രങ്ങള്‍ ഒരു ഫോണ്ടില്‍ .
ഇനി മുതല്‍ കേരള മുഖ്യമന്ത്രിമാരുടെ ചിത്രങ്ങള്‍ നല്‍കാന്‍ ഈ ലിങ്കില്‍ ഉള്ള ഫോണ്ട് ഡൌണ്‍ലോഡ് ചെയ്ത്‌ ഉപയോഗിച്ചാല്‍ മതി.ഫോണ്ട്സിപ്‌ ഫയല്‍ ആയിട്ടാണ് .അണ്‍സിപ്പ്‌ ചെയ്തതിനു ശേഷം ഇന്‍സ്റ്റാള്‍ ചെയ്ത്‌ ഉപയോഗിക്കുക.
Monday 22 August 2011
പരീക്ഷ തുടങ്ങി
മണീട് വൊക്കേഷണല്‍ ഹയര്‍സെക്കന്‍ഡറി സ്കൂളില്‍ അര്‍ദ്ധവാര്‍ഷിക പരീക്ഷ ഇന്ന് തുടങ്ങി.എണ്‍പത്തി രണ്ടോളം കുട്ടികള്‍ ഇന്ന്ഇംഗ്ലീഷിന്റെ പരീക്ഷയാണ് എഴുതിയത്.നാളെ വൊക്കേഷണല്‍ തിയറി പരീക്ഷകള്‍ നടക്കും.
Saturday 20 August 2011
സ്കൂള്‍ പാര്‍ലമെന്റ്റ്‌ തെരഞ്ഞെടുപ്പ് 2011
സ്കൂള്‍ പാര്‍ലമെന്റിലേക്ക് നടന്ന തെരഞ്ഞെടുപ്പില്‍ വൊക്കേഷനല്‍ ഹയര്‍സെക്കന്‍ഡറി വിഭാഗം രണ്ടാം വര്‍ഷ ക്ലാസ്സിലെ റിന്‍സി മാത്യു സ്കൂള്‍ ലീഡര്‍ ആയി തെരഞ്ഞെടുക്കപ്പെട്ടു.
Friday 19 August 2011
സ്കോളര്ഷിപ്പ്
കേരള കള്ളുവ്യവസായ തൊഴിലാളി ക്ഷേമനിധി ബോര്‍ഡില്‍ അംഗങ്ങളായവരുടെ മക്കള്‍ക്കും ആശ്രിതര്‍ക്കുമുള്ള സ്കോളര്ഷിപ്പിന് അപേക്ഷ ക്ഷണിച്ചു. സര്‍ക്കാര്‍ സ്ഥാപനങ്ങളിലോ സര്‍ക്കാര്‍ അംഗീകരിച്ചിട്ടുള്ള സ്ഥാപനങ്ങളിലോ 8-ാംക്ലാസ് മുതല്‍ മുകളിലേക്കുള്ള കോഴ്‌സ് പഠിക്കുന്ന വിദ്യാര്‍ത്ഥികള്‍ക്കാണ് സ്കോളര്ഷിപ്പ് നല്‍കുന്നത്.
8, 9, 10 ക്ലാസുകളില്‍ പഠിക്കുന്ന വിദ്യാര്‍ത്ഥികള്‍ യഥാക്രമം 7, 8, 9 ക്ലാസുകളിലെ വര്‍ഷാവസാന പരീക്ഷയില്‍ ലഭിച്ച മാര്‍ക്കിന്റെയും വൊക്കേഷണല്‍ ഹയര്‍ സെക്കന്‍ഡറി, പ്ലസ് ടു, ഐടിഐ, ഐടിസി, എന്‍ജിനീയറിങ് ഡിപ്ലോമ, ജെഡിസി, ടിടിസി, ജനറല്‍ നഴ്‌സിങ്, ഡിഫാം തുടങ്ങിയ കോഴ്‌സുകള്‍ പഠിക്കുന്നവര്‍ക്ക് എസ്എസ്എല്‍സി, പ്ലസ് ടു പരീക്ഷയില്‍ ലഭിച്ച മാര്‍ക്കിന്റെയും അടിസ്ഥാനത്തിലാണ് സ്കോളര്ഷിപ്പ് നല്‍കുക.
ഡിഗ്രി കോഴ്‌സുകളില്‍ പഠിക്കുന്നവര്‍ക്ക് ഫയര്‍സെക്കന്‍ഡറിക്ക് ലഭിച്ച മാര്‍ക്കിന്റെയും, പോസ്റ്റ് ഗ്രാജുവേഷന്‍, ത്രിവത്സര എല്‍എല്‍ബി, ബിഎഡ്, എച്ച്ഡിസി തുടങ്ങിയ കോഴ്‌സുകളില്‍ പഠിക്കുന്നവര്‍ ഡിഗ്രി പരീക്ഷയ്ക്ക് ലഭിച്ച മാര്‍ക്കിന്റെയും അടിസ്ഥാനത്തിലായിരിക്കും സ്കോളര്ഷിപ്പ് നല്‍കുക.
നിശ്ചിത മാതൃകയിലുള്ള അപേക്ഷയോടൊപ്പം യോഗ്യതാ പരീക്ഷയുടെ മാര്‍ക്ക് ലിസ്റ്റിന്റെ ഹെഡ്മാസ്റ്റര്‍/പ്രിന്‍സിപ്പല്‍/ഗസറ്റഡ് ഓഫീസര്‍ സാക്ഷ്യപ്പെടുത്തിയ പകര്‍പ്പും വെയ്ക്കണം. 2011-2012 അദ്ധ്യയന വര്‍ഷം ഏത് ക്ലാസില്‍ പഠിച്ചുകൊണ്ടിരിക്കുന്നു എന്ന് തെളിയിക്കുന്നതിന് പഠിക്കുന്ന സ്ഥാപനത്തിന്റെ മേധാവിയില്‍ നിന്നും കോഴ്‌സ് സര്‍ട്ടിഫിക്കറ്റും മറ്റു സംസ്ഥാനങ്ങളിലുള്ള സ്ഥാപനങ്ങളില്‍ പഠിക്കുന്ന വിദ്യാര്‍ത്ഥികള്‍ അവര്‍ പഠിക്കുന്ന സ്ഥാപനം ഗവണ്മെന്റ് അംഗീകൃതമാണെന്ന് തെളിയിക്കുന്നതിനുള്ള രേഖകളും ഹാജരാക്കണം.
അപേക്ഷാഫോമിന്റെ മാതൃകയും വിശദ വിവരങ്ങളും കേരള കള്ളുവ്യവസായ തൊഴിലാളി ക്ഷേമനിധി ബോര്‍ഡിന്റെ ജില്ലാ വെല്‍ഫെയര്‍ ഫണ്ട് ഇന്‍സ്‌പെക്ടര്‍ ഓഫീസില്‍ നിന്ന് ലഭിക്കും.
പൂരിപ്പിച്ച അപേക്ഷകള്‍ ജില്ല വെല്‍ഫെയര്‍ ഫണ്ട് ഇന്‍സ്‌പെക്ടര്‍ക്ക് സമര്‍പ്പിക്കേണ്ട അവസാന തീയതി സപ്തംബര്‍ 15 ആണ്. നിര്‍ദ്ദിഷ്ട മാതൃകയില്‍ അല്ലാത്തതും മതിയായ രേഖകള്‍ ഉള്‍പ്പെടുത്താത്തതും അപൂര്‍ണവുമായ അപേക്ഷകള്‍ നിരസിക്കും. ക്ഷേമനിധി ബോര്‍ഡിന്റെ തിരുവനന്തപുരം ഹെഡ് ഓഫീസില്‍ നേരിട്ട് അപേക്ഷ സ്വീകരിക്കില്ല.
2011 മാര്‍ച്ചിലെ എസ്എസ്എല്‍സി പരീക്ഷയില്‍ ഉയര്‍ന്ന മാര്‍ക്ക് വാങ്ങി വിജയിച്ച് സംസ്ഥാനതലത്തില്‍ ഒന്ന്, രണ്ട്, മൂന്ന് സ്ഥാനങ്ങളിലെത്തുന്ന വിദ്യാര്‍ത്ഥികള്‍ക്ക് സ്വര്‍ണമെഡലും ജില്ലാതലത്തില്‍ ഒന്നും രണ്ടും മൂന്നും ലഭിക്കുന്നവര്‍ക്ക് കാഷ് അവാര്‍ഡും നല്‍കും. കാഷ് അവാര്‍ഡിന് പ്രത്യേക അപേക്ഷ സമര്‍പ്പിക്കേണ്ട.
പ്രസവാവധി അച്ഛനും കേരള സര്‍ക്കാര്‍ ഉത്തരവ്
സര്‍ക്കാര്‍ ജീവനക്കാര്‍ ഇനി അച്ഛനായാല്‍ അവര്‍ക്ക് പ്രസവാവധി അനുവദിച്ച് ഉത്തരവായി . ഉത്തരവ് ലഭിക്കാന്‍ ഇവിടെ ക്ലിക്കുക
Tuesday 16 August 2011
മണീട് ഗവണ്മെന്റ് വൊക്കേഷണല്‍ ഹയര്‍ സെക്കന്ററി സ്കൂളിലെ ഭൌതിക സാഹചര്യങ്ങള്‍
എറണാകുളം ജില്ലാ പഞ്ചായത്തിനു കീഴിലുള്ള വലിയ സ്കൂളുകളില്‍ ഒന്നാണ് ഇത്.മൂന്ന് ഏക്കറില്‍ കൂടുതല്‍ സ്ഥല സൌകര്യമുള്ള ഈ വളപ്പില്‍ അപ്പര്‍ പ്രൈമറി, ഹൈസ്കൂള്‍ ,ഹയര്‍സെക്കന്‍ഡറി,വൊക്കേഷണല്‍ ഹയര്‍സെക്കന്‍ഡറി എന്നീ സ്ഥാപനങ്ങള്‍ പ്രവര്‍ത്തിക്കുന്നു. എറണാകുളം ജില്ലയിലെ സ്കൂളുകളില്‍ലെ വലിയ മൈതാനങ്ങളില്‍ ഒന്ന് ഈ സ്കൂളിലെ മൈതാനമാണ്.പിറവം പട്ടണത്തില്‍ നിന്നും ഏഴ് കിലോമീറ്ററും എറണാകുളം പട്ടണത്തില്‍ നിന്നും ഇരുപത്തി അഞ്ചു കിലോമീറ്ററും ആണ് ഈ സ്കൂളിലേക്കുള്ള ദൂരം.അതുകൊണ്ട് തന്നെ പട്ടണത്തിന്റെ ആധുനികതയും ആഡംബരങ്ങളും ഗ്രാമത്തിന്റെ ശാലീനതയും ശാന്തതയും ഒരുമിച്ചു ചേര്‍ന്ന് ആധുനിക ശാന്തിനികേതന്‍ എന്ന നാമം അന്വര്‍ത്ഥമാക്കുന്നു.
 |
| ഇതാണ് സമ്മേളനങ്ങളും കലാപരിപാടികളുംഅരങ്ങേറുന്ന ഓപ്പണ്‍എയര്‍ഓഡിറ്റോറിയം. |
 |
| പ്രധാന കെട്ടിടം. |
 |
| ഇതാണ് അദ്ധ്യാപകര്‍ ഇടവേളകളില്‍ വിശ്രമിക്കനെത്തുന്ന മുറി |
 |
| അപ്പര്‍ പ്രൈമറി വിഭാഗം പ്രവര്‍ത്തിച്ചുകൊണ്ടിരുന്നകെട്ടിടം. സ്കൂള്‍ പുനരുദ്ധാരണത്തിന്റെ ഭാഗമായി നൂറുവര്‍ഷത്തിലേറെ പഴക്കമുള്ള ഈ കെട്ടിടത്തിനു പകരം പുതിയ കെട്ടിടം നിര്‍മ്മിക്കുന്നതിനുള്ള ജോലികള്‍ പുരോഗമിക്കുന്നു. |
 |
| വൊക്കേഷണല്‍ ഹയര്‍സെക്കന്‍ഡറിയുടെ പ്രിന്റിംഗ് ലാബ് ക്യാമറ ലാബ് ഫിസിക്സ്‌ ലാബ് കെമിസ്ട്രി ലാബ് എന്നിവ ഈ കെട്ടിടത്തിലാണ്. |
 |
| വൊക്കേഷണല്‍ ഹയര്‍സെക്കന്‍ഡറിയുടെ കമ്പ്യൂട്ടര്‍ ലാബ്, ഹയര്‍സെക്കന്‍ഡറിയുടെ ഒരു ക്ലാസ്സ്, സ്കൂള്‍ കമ്പ്യൂട്ടര്‍ ലാബ് എന്നിവ ഈ കെട്ടിടത്തിലാണ്. |
 |
| പുതിയ കെട്ടിടത്തിന്റെ നിര്‍മ്മാണ പ്രവര്‍ത്തനങ്ങള്‍ നടന്നുകൊണ്ടിരിക്കുന്നു. |
 |
| ഹയര്‍സെക്കന്‍ഡറിയുടെ ലാബ്.നിലവിലുള്ള ഏറ്റവും പുതിയ കെട്ടിടം. |
 |
| മൈതാനം |
 |
| ഓപ്പണ്‍ എയര്‍ഓഡിറ്റോറിയത്തിനു പിറകിലുള്ള വരാന്ത. |
 | |||||||
| സ്കൂള്‍ സമുച്ചയത്തിന്റെ പരമാവധി ഭാഗങ്ങള്‍ദൃശ്യമാകുന്ന ഒരു പോയിന്റില്‍ നിന്നുള്ള ഷോട്ട്. |
മണീട് സ്കൂളിന്റെ ദൃശ്യം വിക്കി മാപിയയില്‍ കാണാന്‍ ഇവിടെ ക്ലിക്ക്‌ ചെയ്യുക
ബി പി എല്‍ സ്കോളര്ഷിപ്പ്
മണീട് ഗവണ്മെന്റ് വൊക്കേഷണല്‍ ഹയര്‍സെക്കന്‍ഡറി സ്കൂളില്‍ നിന്നും 2011 മാര്‍ച്ചില്‍ പഠനം പൂര്‍ത്തിയാക്കിയ അരുണ്‍ കെ ആര്‍ നും ഇപ്പോള്‍ രണ്ടാം വര്‍ഷ ക്ലാസ്സില്‍ പഠനം നടത്തുന്ന ശ്രീദേവി മോഹനനും ബി പി എല്‍ സ്കോളര്ഷിപ്പ് ലഭിച്ചു.ഒരു കുട്ടിക്ക് 5000/- രൂപ വീതമാണ് സ്കോളര്ഷിപ്പ് തുക.
Sunday 14 August 2011
കുര്യന്‍ വര്‍ക്കി സ്മാരക സ്കോളര്‍ഷിപ്
ആരക്കുന്നം സെന്റ്‌ ജോര്‍ജ്ജ് ഹൈസ്കൂള്‍അദ്ധ്യാപകനായിരുന്ന ശ്രീ.കുര്യന്‍ വര്‍ക്കിയുടെ സ്മരണക്ക് ശ്രീ.ബെന്നി കുര്യന്‍ഏര്‍പ്പെടുത്തിയ സ്കോളര്ഷിപ്പിന് മണീട് ഗവണ്മെന്റ് വൊക്കേഷനല്‍ ഹയര്‍സെക്കന്‍ഡറി സ്കൂളില്‍ നിന്നും വി.എച്ച്.എസ്. ഇ. വിഭാഗത്തില്‍ ഏറ്റവും കൂടുതല്‍ മാര്‍ക്ക് നേടി വിജയിച്ച കുമാരി ഡാലി ഏലിയാസ്‌ കുര്യനും എസ്.എസ്. എല്‍. സി. വിഭാഗത്തില്‍ ഏറ്റവും കൂടുതല്‍ മാര്‍ക്ക് നേടി വിജയിച്ച കുമാരി അശ്വതിയും അര്‍ഹയായി.
സ്കൂള്‍ അസ്സംബ്ലിയില്‍ വി.എച്ച്.എസ്.ഇ വിഭാഗം പ്രിന്‍സിപ്പലും ഹൈസ്കൂള്‍ വിഭാഗം പ്രധാന അദ്ധ്യാപികയുമായ ശ്രീമതി കെ.എസ്. ശോഭന 2000/- രൂപയുടെ രണ്ടു സ്കോളര്‍ഷിപ്പുകളും വിതരണം ചെയ്തു.
സ്കോളര്ഷിപ്പ്
മണീട് ഗവണ്മെന്റ് വൊക്കേഷനല്‍ ഹയര്‍സെക്കന്‍ഡറി സ്ക്കൂളില്‍ ലഭിച്ചിട്ടുള്ള സ്കോളര്‍ഷിപ്പുകള്‍
മൈനോറിട്ടി കമ്മ്യൂണിറ്റി സ്കോളര്ഷിപ്പ് 2011
ഇപ്പോള്‍ രണ്ടാം വര്‍ഷ ക്ലാസ്സില്‍ പഠിക്കുന്ന അപേക്ഷിച്ച എല്ലാവര്‍ക്കും ഈ സ്കോളര്ഷിപ്പ് ലഭ്യമായിട്ടുണ്ട്.
ഇപ്പോളുള്ള ഒന്നാം വര്‍ഷ ക്ലാസ്സില്‍ നിന്നും ആകെ 19 അപേക്ഷകരാണ് ഉള്ളത്.
മറ്റു പിന്നാക്ക സമുദായ സ്കോളര്‍ഷിപ് 2011
ഇപ്പോള്‍ രണ്ടാം വര്‍ഷ ക്ലാസ്സില്‍ പഠിക്കുന്ന അപേക്ഷിച്ച എല്ലാവര്‍ക്കും ഈ സ്കോളര്ഷിപ്പ് ലഭ്യമായിട്ടുണ്ട്.
ഇപ്പോളുള്ള ഒന്നാം വര്‍ഷ ക്ലാസ്സില്‍ നിന്നും ആകെ 11 അപേക്ഷകരാണ് ഉള്ളത്.
മൈനോറിട്ടി കമ്മ്യൂണിറ്റി സ്കോളര്ഷിപ്പ് 2011
ഇപ്പോള്‍ രണ്ടാം വര്‍ഷ ക്ലാസ്സില്‍ പഠിക്കുന്ന അപേക്ഷിച്ച എല്ലാവര്‍ക്കും ഈ സ്കോളര്ഷിപ്പ് ലഭ്യമായിട്ടുണ്ട്.
ഇപ്പോളുള്ള ഒന്നാം വര്‍ഷ ക്ലാസ്സില്‍ നിന്നും ആകെ 19 അപേക്ഷകരാണ് ഉള്ളത്.
മറ്റു പിന്നാക്ക സമുദായ സ്കോളര്‍ഷിപ് 2011
ഇപ്പോള്‍ രണ്ടാം വര്‍ഷ ക്ലാസ്സില്‍ പഠിക്കുന്ന അപേക്ഷിച്ച എല്ലാവര്‍ക്കും ഈ സ്കോളര്ഷിപ്പ് ലഭ്യമായിട്ടുണ്ട്.
ഇപ്പോളുള്ള ഒന്നാം വര്‍ഷ ക്ലാസ്സില്‍ നിന്നും ആകെ 11 അപേക്ഷകരാണ് ഉള്ളത്.
Thursday 11 August 2011
സ്കൂള്‍ പാര്‍ലമെന്റ്റ്‌ തെരഞ്ഞെടുപ്പ് 2011
മണീട് വൊക്കേഷണല്‍ ഹയര്‍സെക്കന്‍ഡറി സ്കൂളിലെ സ്കൂള്‍ പാര്‍ലമെന്റ്റ്‌ തെരഞ്ഞെടുപ്പിന് നാമനിര്‍ദ്ദേശപത്രികകള്‍ സമര്‍പ്പിച്ചു. ഒന്നാം വര്‍ഷ ക്ലാസ്സില്‍ നിന്നും ശ്യാം രാജും രണ്ടാം വര്‍ഷ ക്ലാസ്സില്‍ നിന്നും റിന്‍സി മാത്യുവും ആണ് പത്രിക സമര്‍പ്പിച്ചിട്ടുള്ളത്.മറ്റാരും ഇതുവരെ പത്രിക സമര്‍പ്പിച്ചിട്ടില്ലാത്തതിനാല്‍ ഇവര്‍ ഇരുവരും തെരഞ്ഞെടുക്കപ്പെടും.
Friday 5 August 2011
മണീട്
ഇത്എറണാകുളം ജില്ലയിലെ മണീട് ഗ്രാമ പഞ്ചായത്തില്‍ പ്രവര്‍ത്തിക്കുന്ന മണീട്ഗവണ്മെന്റ് വൊക്കേഷണല്‍ ഹയര്‍സെക്കന്‍ഡറി സ്കൂളിലെ പഠന പ്രവര്‍ത്തനങ്ങള്‍ സംബന്ധിച്ച വിവരങ്ങള്‍ പൊതുജന സമക്ഷം അറിയിക്കുന്നതിനുള്ള ഒരു ബ്ലോഗാണ്.പല സ്കൂളുകളും ഇതേ രീതിയില്‍ മുന്നോട്ടു കടന്നു പോയിട്ടുണ്ട്‌.അവയില്‍ നിന്നെല്ലാം മണീട് ഗവണ്മെന്റ് വൊക്കേഷണല്‍ ഹയര്‍സെക്കന്‍ഡറി സ്കൂളിനെ വ്യത്യസ്തമാക്കുന്ന ഒരുപാടു ഘടകങ്ങള്‍ ഉണ്ടെന്നുള്ളതും ഗവണ്മെന്റ് സ്കൂളുകളെ സംബന്ധിച്ച് ജനങ്ങള്‍ക്കിടയിലുള്ള ഒരുപാടു തെറ്റിദ്ധാരണകള്‍ നീക്കണമെന്നുള്ളതും ഇതുപോലൊരു ബ്ലോഗ്‌ തയ്യാറാക്കാന്‍ പ്രേരകമായ ചില ഘടകങ്ങളാണ്.
എറണാകുളം ജില്ലാ പഞ്ചായത്തിനു കീഴിലുള്ള സ്കൂളുകളില്‍ അപ്പര്‍ പ്രൈമറി മുതല്‍ പ്ലസ്‌ടു വരെ വിദ്യാഭ്യാസം നടത്താവുന്ന വിവിധ സ്കൂളുകളുണ്ട്.എന്നാല്‍ പത്താം തരം പഠനത്തിനു ശേഷം തൊഴിലധിഷ്ഠിത ഹയര്‍സെക്കന്‍ഡറി പഠനമോ പരമ്പരാഗത രീതിയിലുള്ള ഹയര്‍സെക്കന്‍ഡറി പഠനമോ തെരഞ്ഞെടുത്തു മുന്നോട്ടു പഠനം നടത്തുവാന്‍ സൌകര്യമുള്ള അപൂര്‍വ്വംസ്കൂളുകളില്‍ ഒന്നാണിത്.(എല്ലായ്പോഴും പ്രവേശനം സര്‍ക്കാര്‍ നിര്‍ദ്ദേശങ്ങള്‍ക്ക്‌ അനുസരിച്ച്)
പ്രിന്റിംഗ് ടെക്നോളജി പ്രധാന പഠന വിഷയമായ ഇവിടെ കഴിഞ്ഞനാല് വര്‍ഷങ്ങള്‍ക്കുള്ളില്‍ പഠനം പൂര്‍ത്തിയാക്കിയ കുട്ടികളില്‍എല്ലാവരും തന്നെ ജോലിയില്‍ പ്രവേശിക്കുകയോ ഉന്നത പഠനത്തിനു പോവുകയോ ചെയ്തിട്ടുണ്ട്.
ഇപ്പോള്‍ ഇവിടെ വൊക്കേഷണല്‍ ഹയര്‍സെക്കന്‍ഡറി വിഭാഗത്തില്‍ നാലു ബാച്ച് വിദ്യാര്‍ഥികള്‍ പഠനം നടത്തുന്നു.അടുത്തിടെ റിസള്‍ട്ട് അറിഞ്ഞ ഒന്നാംവര്‍ഷ പരീക്ഷയില്‍ എഴുപതു ശതമാനത്തോളം കുട്ടികള്‍ എല്ലാ വിഷയങ്ങള്‍ക്കും വിജയിച്ചിട്ടുണ്ട്.
Subscribe to:
Posts (Atom)